Ko'ee Ho, Kis Tarah Bhala Daiy'khooN
Saamnay Tum Na Ho To Kya Daiy'khooN
Tum Bhataktay Rahey UjaaLoN MaiN
MaiyN Andhaiy'roN MaiyN Raasta Daiy'khooN
Tum Nay Chaa'ha To MaiyN Nay JaaN Day Di
Kis Tarah Say Tum'haiyN Khafa Daiy'khooN
Tum Haqee'qat Ho Ya Takhaiy'yul Ho
Pass aa O Zara, Zara Daiy'khooN
Ab Yeh Khwahish Haiy Tum Mujhay Chaa'ho
MaiyN Bhi aaKhir Yeh Mo'jiza Daiy'khooN
Baa'riyaabi Agarchey Haiy Maa'loom
Apney Haa'toN Ko Phir Utha Daiy'khooN
Itni Qurbat Haiy Gar To KyooN Mohsin
Khud MaiyN Or Us MaiyN Faasla Daiy'khooN
No comments:
Post a Comment