My Poetry - In Memory of My Father

MaiN Kis Tarah Bhula DooN, Un Soor'ToN Ko Ya Rab
Jin Ki NishaniyaN HaiN Ab Tak Meri Nazar MaiN

Jin Ki Muhab'bataiN HaiN, Her Lamha Saath Mairay
Jin Kay Baghair Dil Ab, Lagta NahiN Hay Ghar MaiN

Jin Kay Liye Dua'eyN, Her Lamha Zaire-e-Lab HaiN
Cha'hay RahooN Hazar MaiN, Cha'hay RahooN Safar MaiN

Un Ka Badal NahiN HaiN, Un Ka Badal NahiN HaiN
Go Taang Lee HaiN Un Kee, TasweeraiN Bam-o-Der MaiN

Jin Kay Baghair Chalna, HaN Seekh To Gaya HooN
DhooN'DooN Wahi Sahara, Her Raah-e-Pur Khater MaiN

(Kindly recite a Sura-e-Fateha for Syed Mohsin Raza s/o Syed Ali Raza)