SAAL E NAU - AIYK PAKISTANI KI NAZAR MAIYN

Naya saal aa gaya or maiyN abhi is souch maiyN gum HooN

Guzishta Saal K aaNsoo Zara Say PoNch DaaloN Tou
Abhi Jo Zakhm Baqi HaiyN, Zara In Ko SambhalooN Tou

Jo Kirchi Kirchi Ho Ker Dil Mera Toota Tha, Wo JouRooN
Jo Aql o Hosh Ka Dar Bund Haiy, Us Ko Zara TouRooN

Zara SaRkoN Pay NiklooN, Bay GharoN Say Mil K Aa'ooN Tou
Meray Jo Loug Gumgashta HeiyN, Un Ko Dhoond La'ooN Tou

Zara Mehnga'ee Kam Ho Lay, Zara Khuch Kha Paka LooN Tou
Jo Khud Khata HooN Apnay Bhai Ko Bhi Wo Khila LooN Tou

Zara Ummed Bandh Ja'ey, KaheeN Sooraj Nikal Aa'ey
Zara Is Dais Ka ThoRav Sa Nagsha Tou  Badal Ja'ey

Zara Say Bum Dhamakay To Theher Ja'eyN Meray Yaaro
Utha'ey Jaa Chukay HeiyN, Lut Ker Aa'eyN Meray Yaaro

Mujhay Kuch Aaney Waley Saal Say Ummeed Ho Ja'ey
Aur Aiysa Ger Kabhi Ho Ja'ey, Meri Eid Ho Ja'ey

Naya saal aa gaya or maiyN abhi is souch maiyN gum HooN

Yeh Sub Ho Ja'ey Tou SamjhooN, Yeh Sab Ho Ja'ey Tou JaanooN
Mubarakbaad MaiyN Bhi DooN, Naya Saal Aagaya ManooN