Aik Naz'm - AbabeelaiyN Darkar HaiyN

Kabhi Socha Na Tha Per Aaj Yeh Waqt aa Gaya Mujh Per 

Andhaiyra Sa Andhaiyra, Chaar Soo Say Cha Gaya Mujh Per 

MusalmaN hooN, Magar Halat Pay Muslim Ki, Sulagta Hoon 

Yeh Halat Apnay HathoN Haiy, Yeh SochooN To Bilakta HooN 

MusalmanoN Ka iS Dunya MaiyN Ab Allah Hafiz Haiy 

Kay Jo Un MaiyN Kamina Ter Haiy, Wo Oh'day Pay Faiz Haiy 

Yeh Apna KhooN Bhanay MaiyN, Kabhi Peechay Nahin Reh'ta 

Yeh Apno Ko Rulanay MaiyN, Kabhi Peechay NahiN Reh'ta 

Aray ShaiytaN to ShaiytaN Haiy, NahiN Kuch Kum MusalmaN Bhi 

Yeh Wo Zalim Haiy, Thar'ra Ja'ey iS Ko Daiykh ShaiytaN Bhi 

Khudaya Ger MusalmanN Ka, Yehi Kuch Haal Ho Na Tha 

To KyoN Islam aa Ya Tha, Kufar Ka Kaiysa Ro Na Tha  

KahiN Jaey, Zaleel-o-Khuar Aur Badbakht Ho Ta Haiy 

Aur Aiysa Ho Agar To Kis Liye Baiykaar Ro Ta Haiy 

Khudaya Ab Guzarish Haiy, Qayamat Ker Bhi Day Barpa 

NahiN Karta To Phir Pat'ther AbAbeeloN Say Daiy Barsa 

Sudharnay Ki Ko'ee Surat KahiN Say To Nikal aa A 

Mubada is Kay HathoN Say, Tera Ka'ba Bhi Jal Jaey