Eid ???? Really

Bus say utaar ker Bees lougoN ka baheema qat'l aur Eid ki mubarakbadaiyN. 

Aik Naz'm MouzooN Huee haiy. (Go aazad sha'iry meri pasandeeda sinf-e-izhar nahiN)

Paish-e-Khidmat haiy. Shayed kisi qabil ho. 

Eid Kay Chand Sy Keh Do Keh Abhi Mat Niklay 

Abhi Kuch Totay Huey Dil HaiyN, JinhaiyN JoRna Haiy 
Abhi Kuch Zakh'm HaiyN, Un Per Bhi Marham Rakhna Haiy 

Abhi Kuch Louge HaiyN Jo Daf'n Kiye Jana HaiyN
Abhi Kuch aaNkh Kay aaNsoo HaiyN Jo Chalkana HaiyN

Eid Kay Chand Sy Keh Do Keh Abhi Mat Niklay

Yeh Nikal aaYa To Phir Eid Manana Ho Gi
Aur Na'ey KapRay Pehen'na Bhi PaRaiyN Gay Shayed
Aur Siwaiy'yaN Bhi Her iK Ghar MaiyN Pakana HoN Gi
Aur Galay Milnay Ki ReetaiyN Bhi Nibhana HoN Gi

Eid Kay Chand Sy Keh Do Keh Abhi Mat Niklay

Kis Tarah Ham Nay Guzara Haiy Ye Mah-e-Saiyyam
Qat'l Hotay HaiyN Mera Bhai, Behen, Subha Shaam
Mujh Say Poocho To Guzartay Hi NahiN, Din Aur Raat
Yeh Musalmano Ki Basti Haiy To iS Per Hae'Haat

Eid Kay Chand Sy Keh Do Keh Abhi Mat Niklay

Yeh Nikal Aya To Kya? Gham To NahiN Ja'ey Ga
Is Qader Dukh MaiyN Bhala Eid Mana'eyN Kaiysay
Eid Kerta HooN To Her Ang-o-Uzuv Kehta Haiy
Eid Kerta HooN To Bhai Ka Lahoo Kehta Haiy

Eid Kay Chand Sy Keh Do Keh Abhi Mat Niklay

Jab Talak Baqi HaiyN Bu'Jehl-o-Yazeed-o-Marhab
Ham Pay Yeh Zul'm Isi Tarha Say Ho Ga, Ho Ga
Herf-e-Haq Kehta HooN, Faryaad NahiN Haiy Logo
Karbal Yaad Haiy? Kya Yaad NahiN Haiy Logo?

Eid Kay Chand Sy Keh Do Keh Abhi Mat Niklay
Eid Kay Chand Sy Keh Do Keh KABHI Mat Niklay